દિલખુશ…

દિલખુશ મારી પહેલી સ્ટુડન્ટ.હું પ્રોફેસર તો બન્યો તેના પછી છેક પાંચ વર્ષે ; પણ આ પાંચ વર્ષની હસતી- બોલતી  દિલખુશનું  ટ્યુશન મારા પોતાના શોખ  અને આગ્રહના  કારણે  મારા શિક્ષક પિતાશ્રીએ મને અપાવેલું, પારસી પરિવારને આ એક માત્ર લાડકી પુત્રીને મારી સત્તર   ઉમરે અક્ષરજ્ઞાન -અંક જ્ઞાન કરાવવામાં અને સાથે ‘પોપટ કમાઈને આવ્યો છે’ અને એવી એવી વાર્તાઓ કહેવા- સંભળાવવામાં મારું દિલ પણ મારી સ્ટુડન્ટ દિલખુશની જેમ જ ખુશ ખુશ રહેવા લાગ્યું.  તેના પિતાને એરેટેડ વોટર્સની ‘દિલખુશ કોલ્ડ ડ્રિન્ક્સ’ના નામની ફેક્ટરી હતી અને મને દર રોજ એક વિમટો ડ્રિંક  નિયમિત પીવા મળતું તે મારા દિલને સવિશેષ ખુશ ખુશ કર્યા કરતું.એ દિવસોમાં ટ્યુશન ફી મારા પિતાશ્રીને પણ દસ- પંદર રૂપિયા જ મળતી, એટલે મને મહિનાના અંતે દિલખુશના પિતાએ પાંચ રૂપિયાની નવી નક્કોર કડક નોટ ફી પેટે આપી ત્યારે મને મારી પહેલી કમાણીનો નશો -આનંદ-સંતોષ ભરપૂર થયો..એ જ અરસામાં મેં એક વાર્તા પણ ‘સવિતા’માં લખેલી જેના પુરસ્કાર રૂપિયે પણ મને એટલાજ રૂપિયાનો મનીઓર્ડર આવેલ,જેની પહેલા લેખનની પહેલી  પહેલી કમાણીની ખુશીની યાદ આજે પણ મને ખુશ ખુશ કરી મૂકે છે.

દિલખુશના પિતા પોતાની દીકરીના રોજ ભણતા રહેવાના રૂટિનમાં કોઈ બ્રેક પસંદ ન ચાહતા હોવાથી, મને રવિવારે પણ તેને ભણાવવા માટે એ જ સમયે હાજર થવા માટેના આગ્રહી હતા.પહેલા રવિવારે હું રવિવારની રજા પાળીને ન ગયો તો મને બીજા દિવસે  લેક્ચર મારતા કહ્યું:”તમે ક્રિશ્ચિયન છેઓ ?ચર્ચ જાઓ છેઓ ? હિંડુ  થઈને સન્ડે હોલીડે સાના મનાવો છેઓ? વર્ક ઈઝ વર્શિપ ! તમારે સન્ડે પણ આવવાનું અને તેના હું મહીને બે રૂપિયા વઢારાના ડેવસ.”

પછી તો હું તહેવારના દિવસોએ પણ દિલખુશને નિયમિત ભણાવવા જતો..મારા બર્થડેના દિવસે પણ ગયો તો દિલખુશના મમ્મા -પપ્પાએ ખુશ ખુશ થઇ મને ગિફ્ટમાં પૂજ્ય ગાંધી બાપૂની ઓટોબાયોગ્રફી આપી,જે વર્ષો  સુધી મારી યાદગાર ભેટ રહી અને જે હું વારંવાર વાંચતો પણ રહ્યો.ત્યારે હું ખાદીધારી હતો એટલે જ કદાચ તેમણે મને ગાંધી બાપૂની ચોપડી આપી હશે.ગાંધીજીના અક્ષર સારા નહોતા જે બદલ તેમને અફસોસ રહ્યા કરતો તે વાત કહી કહી હું દિલખુશને સુંદર,સરસ,સુડોળ અક્ષરે લખવા શીખવતો. તેના માટે ડબલ લાઈનવાળી,ચાર લાઈનવાળી,સુલેખન માટેની નોટબુકોમાં તેને ખૂબ ખૂબ પ્રેક્ટિસ કરાવતો.તેના સુંદર અક્ષરોથી તેના મમ્મા-પપ્પાના દિલ પણ  મારા અને દિલખુશની જેમ જ ખુશ ખુશ થઇ જતા.ધીમે ધીમે મારી ફી પંદર રૂપિયા થઇ ગઈ.

એ અરસામાં મારું, એ દિવસોમાં સામાન્ય રીતે બનતું તેમ, સગપણ નક્કી થયું અને મારે એક મહિનાના સ્કૂલ-કોલેજના વેકેશનમાં મારે મારા વતન જવું પડ્યું, તો તેની જાણ થતા જ ખુશ થઇ એ પપ્પાજી મને કોન્ગ્રેટ્સ કહેતા બોલ્યા:”   ટમે ખુસીથી જાઓ પન મારી દિલખુશને ભનાવવા માટે કોઈ બીજા ભલા સોજ્જા ફ્રેન્ડ ટીચરને બદલીમાં મૂકી જાઓ. તેનું રૂટિન બગડવું નહિ જોઈએ,તેનું રૂટિન અટકવું નહિ જોઈએ.” 

દીકરીના ભણતર માટેના આવવા આગ્રહી પિતાનું મન રાખવા માટે મેં મારા જીગરજાન મિત્રને વિનંતી કરી મારી બદલીમાં એક મહિનો ત્યાં તેને ભણાવવા જવા માટે સમજાવ્યો-મનાવ્યો અને એ મારી દોસ્તીના દાવે માની ગયો.રવિવારે પણ જવા માટે માની ગયો.

 હું આવ્યો તે પહેલા પહેલી તારીખ આવતા એ પારસી પપ્પાજીએ મારા મિત્રને ફીના પંદર રૂપિયા આપ્યા તો તે મારા મિત્રે ન સ્વીકાર્યા  અને કહ્યું:” હું તો મારા દોસ્તની બદલીમાં આવું છું -દોસ્તીના દાવે.તેની ફી તેને જ આપજો.”

પારસીબાવા આવા દોસ્તારની ‘દોસ્તીના દાવે’ની વાત સાંભળી ચકિત થઇ ગયા.પાછું હું આવ્યો અને બીજા દિવસથી ત્યાં જવાનું શરૂ કર્યું, એટલે મને ફીના પંદર રૂપિયા દેવા લાગ્યા, તો મેં કહ્યું:”મેં ક્યા આ આખો મહિનો ભણાવ્યું છે? મારા દોસ્તારને જ આપી દેવા જોઈતા હતા.”

પારસીબાવા મૂંઝાઈ ગયા. અંતે  બોલ્યા:”ખરા છો ટમે બેઉ ડોસ્ટારો,એ બી નહિ લે અને પાછો બોલે હું તો દોસ્તીના દાવે ભણાવવા આવતો હુ તો.તેની ફી તેને જ આપજો.હવે ટમે કેઓ છો તેને આપો.તેને લઈને આવો,હું ટમોને બેઉને લેકચર આપસ -ફી તો નહિ જ ડેવસ.દોસ્તીના દાવે ખરા છો બેઉ -ગાંધીજીની જેમ સત્યાગ્રહ કરવાવાળા.”

બીજા દિવસે અમે બેઉ દોસ્તારો ગયા તો અમને બેઉને દિલખુશ કોલ્ડ ડ્રિંક વિમટો પાઈ અમને બેઉને એક એક કવરમાં પંદર પંદર રૂપિયા આપી જોરદાર લેકચર માર્યું:” આમ સેક્રીફાઈસ કરસો તો ભૂખે  મરશો. હું તો ખુશ ખુશ થઇ મારી દિલખુશને પ્યારથી ભણાવવા માટે ટમોને બેઉને ફીઝ આપી દઉં છું.”નહિ લઉં …નહિ લઉં”નો લવારો બંધ કરો અને ટમે બેઉ દોસ્તારો આવા ને આવા દોસ્તારો જિંદગીભર રહેજો.દોસ્તીથી જ દિલ ખુશ ખુશ રહ્યા કરે.અમારી દિલખુશને ભણાવતા રહ્યા કરો અને તેને તમારા

બ્લેસિન્ગ્સ આપો કે તે ખૂબ ખૂબ ભણીગણી  મોટી ડોક્ટર બની લોકોની સરસ મઝાની સેવા કરે.કોઈ પણ રીતે સેવા કરો તે જ આજનો ઢરમ -તે જ આજનો મેસેજ.”

  અને તેમનું લેકચર સાંભળી અમે બેઉ દોસ્તારો ત્રીસ રૂપિયાની માતબર રકમથી એ સસ્તાવારીના દિવસોમાં ભાગીદારીમાં ફરતું પુસ્તકાલય શરૂ કરી અમારો સાહિત્યિક વ્યવસાય શરૂ કરી બેઠા.હજી પણ ડૉ. દિલખુશને મળવાનું થાય છે ત્યારે દિલ ખુશ ખુશ થાય છે.” તે પણ રમૂજમાં કહે છે:”મારા  પ્રિસ્કીપ્શનના હેન્ડરાઈટિંગ જોઈ મારા પેશન્ટો અને ફાર્મસીઓવાળા ખુશ ખુશ રહ્યા કરે છે.તેની ક્રેડિટ તો આપને જ છે લલિત સર!”

 એ સાંભળી મારું દિલ પણ ખુશ થઇ ગયું -મારી પહેલી સ્ટુડન્ટ દિલખુશના કોમ્પ્લીમેન્ટ સાંભળીને.

(સમાપ્ત)  

 (સત્યઘટનાત્મક વાર્તા)  

(‘દિલખુશ…’ વાર્તા પીડીએફમાં મેળવવા અહીં ક્લિક કરવા વિનંતિ છે)                                                        

Advertisements

3 ટિપ્પણીઓ (+add yours?)

  1. Priyanka Shah
    જાન્યુઆરી 29, 2015 @ 13:16:11

    Hello, I am Priyanka Shah, Rasik Dada’s grand daughter. I was trying to find to find a story on Mushkil Aasan but didn’t know the name for the story. How do I find that story. Did not have your email id so commenting here.

    જવાબ આપો

  2. Lalitkumar Parikh
    ફેબ્રુવારી 21, 2015 @ 12:23:45

    I have presented May book to Rasikdada,in which the story Mushkil- Asan is there.
    Lalit Parikh
    My email address is lalitparikh31@ gmail.com

    જવાબ આપો

  3. Lalitkumar Parikh
    ફેબ્રુવારી 21, 2015 @ 12:59:20

    You can read all my books and stories on Pratilipilalitparikh as EBooks very easily and comfortably page by page with bold letters.
    Lalit Parikh

    જવાબ આપો

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s

"ગુજરાતી ગઝલ™"

"ગુજરાતી ગઝલ ની દુનિયા"

નટવર મહેતાનો વાર્તા વૈભવ...

નટવર મહેતાના વાર્તા વૈભવમાં આપનું હાર્દિક સ્વાગત છે.....!! સમયાંતરે એક સાવ નવી જ અનોખી વાર્તા લઇને આવવાની મારી નેમ છે ને પછી પુછવું છે તમને કે, એ વાર્તા કેમ છે.....

લલિત પરીખનું વાર્તા વિશ્વ...

લલિત પરીખની વાર્તાઓ

The WordPress.com Blog

The latest news on WordPress.com and the WordPress community.

%d bloggers like this: